РФ Бэрэсидьиэнэ Владимир Путин ыйааҕынан,ҮөҺээ Бүлүү улууҺун Маҥаас сэлиэнньэтин олохтооҕо,ефрейтор Алексей Петров Арассыыйа Дьоруойа буолбута. Кини Саха сириттэн уон иккис киҺинэн анал байыаннай дьайыыга уҺулуччу хорсун быҺыыны оҥорон бу үрдүк аакка тиксибитэ. Ол курдук,өстөөх позицияларыгар кимэн киириилэргэ кыттыбыт хас да бүлүмүөт туочукатын суох гыммыт,хас эмэ уонунан өстөөҕү кыдыйбыт,тиэхиньикэни үлтүрүппүт. Кырыктаах кыргыҺыыларга ыараханнык бааҺыран, икки атаҕа суох хаалбыта. Онтон Алексей ыһыктынан кэбиспэккэ, син — биир туруоҕум, хаамыаҕым диэн сыалы туруорунан, тереебүт дойдутугар икки атаҕынан хаамар буолан кэллэ.
Бүгүн сэтинньи 18 күнүгэр, үөрэммит кыһатыгар, Маҥаас орто оскуолатыгар «Герой паартата» аалай кыһыл лиэнтэни кырыйыы сиэрэ — туома ыытылынна.
Алексей Петров үөрэнээччилэри, үөрэппит учууталларын көрүстэ. Истиҥ иһирэх көрсүһүү, Алексей инники олоххо эрэлин, өссө күүскэ күөдьүтэр. Буойун биир дойдулаахпытынан нэһилиэк киэн туттар.
