Сэтинньи ый — кыһыҥҥы ый, тымныыта күн — түүн сэтэрээн иһэр. Тэллэх курдук хаар түһэн кыыдамныыр, кыһыҥҥы уһун түүн түбүлүүр. Миитэрэпкэ Дьыл оҕуһун биир муоһа үүнэн, тымныы биллэр. Сүүрбэ иккигэ — Мэхээлэйэп таҥара күнүгэр — икки муостаах тымныы түһэр. Сэтинньи — Байанай ыйа, тыа кыылын түүтэ — өҥө тупсар, саһылдьыттар саһылы эккирэтэр кэмнэрэ.
Итии, тымныы салгын охсуһууларыттан тумуу элбиир кэмэ. Онтон грипп, тумуу турдаҕына биир саамай харысхалбыт — мааска эрэ.
- Кумаахы эбэтэр биир араҥалаах мааска. Тумуу вируһуттан икки чаас устатыгар харыстыыр. Ол кэнниттэн сиигирэр уонна аны бэйэтэ киһиэхэ кутталлаах буолар. Ол иһин 2 — 3 чаас буола -буола уларытыллыахтаах.
- Хас да араҥалаах, биирдэ туттуллар мааска 4 — 6 чаас кэтиллэр.
- Респиратор. суукканы быһа устубакка кэтиэххэ сөп. Тыынарга ыарахан.
- Элбэхтик туттуллар маасканы киһи бэйэтэ оҥостуон сөп. Холобур, маарыланы түөһрт хос тутан баран ыккардыгар баата угаҕын. К;н аайы сууйуохтааххын. Икки — үс чаас буола — буола өтүүктүөхтээххин. Мааската суох буоллаххына, грипп вируһун хабан ылар куттал 99% — ҥа диэри кыччыыр.Төһөнөн мааска халыҥ, соччонон үчүгэй. Мааска сирэйгэр лып курдук сыста сылдьыахтаах. Ханан да быыс — хайаҕас суох буолуохтаах. Илиигинэн таарыйыа суохтааххын. Таарыйдаххына — уларытаҕын. Дьиэҕэр кэллиҥ да, устан быраҕан кэбиһиэхтээххин уонна илиигин суунуохтааххын.
Олохтоох библиотекаҕа доруобуйаҕа аналлаах быыстапка турда.
Уһуйаан оҕолоругар иитээччи «Профилактика плоскостопия, ходьба по ребристой доске» эрчиллиилэри оҥортордо.
Оскуола үөрэнээччилэрэ, сарсыардааҥы сэрээккэни хас нэдиэлэ аайы Саллар Артурович салайыытынан дьарыктаналлар.
Чөл доруобай буолуоҕуҥ!
