Перейти к содержимому
Магасская модельная сельская библиотека
678243, с. Магасс, ул. Новая
vvlib_20@mail.ru
Войти в личный кабинет
Главная
Новости
Мероприятия
Menu
Главная
Новости
Мероприятия
Спиридонов Виталий Петрович төрөөбүтэ 70 сыла
Спиридонов Виталий Петрович – Бэллэкэ Битээлий Үөһээ Бүлүү улууһун сэлиэнньэтигэр 1955 сыллаахха, муус устар 20 күнүгэр күн сирин көрбүтэ. Билигин баара буоллар 70 үбүлүөйдээх сааһын ылыахтаах этэ.
1973 с. И. Бараахап аатынан оскуоланы бүтэрэн баран, оройуоннааҕы култуура дьиэтигэр үлэтин саҕалаабыта. Үлэлии сылдьан оройуоҥҥа бастакы ВИА-ны төрүттэспитэ. 1977-1979 сс. Алма-Атаҕа “Мастер по народным инструментам” диэн идэни үөрэнэн бүтэрэн, Үөһээ Бүлүүтээҕи промкомбинат музыкальнай сыаҕар үлэлээбитэ, саха төрүт национальнай музыкальнай инструменнарын чөлүгэр түһэриигэ уһулуччу кылаатын киллэрбитэ. 1980 сылтан 20 сыл устата Үөһээ Бүлүүтээҕи аэропорка авиатехнигынан үлэлээбитэ. 1990-с сыллартан урбаан эйгэтигэр киирбитэ, “Бэллэкэ” диэн маҕаһыыны арыйан, элбэх киһини үлэ миэстэтинэн хааччыйбыта. 2014 сылтан Үөһээ Бүлүү улууһун култууратын управлениетын начальнигынан анаммыта. Улууска култуура салаата саҥалыы тыын ыларын, үлэтэ-хамнаһа тосту тупсарын, култуура тэрилтэлэрин материальнай-техническай базалара бөҕөргүүрүн ситиспитэ. Виталий Петрович дьон сэҥээриитин күүскэ ылар “Үс иилээх хапсаҕай” күрэхтэһии ааптарынан буолар. Виталий Петрович төрөөбүт дойдутун олус таптыыра, улууһа үрдүк сайдыылаах, атын улуустартан үөһэ сылдьыан баҕарар, дьиҥнээх патриот этэ. Культура үлэтэ үрдүк таһымҥа таһаарар элбэх былааннааҕа, көрүүлэрдээҕэ. Иллэҥ бириэмэтигэр ыал аҕатын, эһээтин быһыытынан, айылҕаҕа сылдьарын кустуурун балыктыырын олус сөбүлүүрэ.
Айар талаана аһыллан баһаан элбэх хоһоону айан хаалларбыт. Ол хоһоонноруттан бэчээттээтибит.
