Перейти к содержимому
Магасская модельная сельская библиотека
678243, с. Магасс, ул. Новая
vvlib_20@mail.ru
Войти в личный кабинет
Главная
Новости
Мероприятия
Menu
Главная
Новости
Мероприятия
Акимов Петр Акимович — Японияны босхолоспута.
Олохсуйан уһуннук олорон үлэлээбит, нэһилиэкпитигэр сүппэт суолу — ииһи хаалларбыт киһиннэн Петр Акимович Акимов буолар. Алта уонча сыллаах айымньылаах үлэтин Маҥаас сайдыытыгар биэрбит ураты сэмэй, көнө майгылаах, сытыары — сымнаҕас, лоп — бааччы тыллаах — өстөөх, дириҥ билиилээх, интеллигентнэй киһинидьоно — сэргэтэ дириҥник ытыктыыр, кини аатынан киэн туттар. Кини 1923 сыллаахха Далырга төрөөбүтэ, 1942 сыллаахха Бүлүүтээҕи педучилищены бүтэрээтин фроҥҥа ыҥырыллыбыта. Биэс уонус сыллар ортолорун ааһыыта «Аа5ар бала5аммыт» сельклуб статуһун ылбыта, бастакы сэбиэдиссэйинэн партийнай тэрилтэ секретарын Петр Акимовиһы анаабыттара. Агитационнай — пропагандисткай үлэни лаппа кыайа туппута. лекциялар. бэсиэдэлэр тиһигин быспакка ыытыллаллара. Петр Акимович кулууп үлэтин эйгэтин лаппа кэҥэппи. тылынан да көрдөрөн агитацияны үлэһит маасса ортотугар тэниппит, культура үлэтин авторитетын үрдэппит үтүөтүн — өҥөтүн оройуон бүтүннүүтэ билиммитэ. кини үлэлиир ньымата бастыҥ уопут быһыытынан тарҕаммыта. Ол курдук производственнай кииннэргэ, фермаларга «Кыһыл муннуктары» тэрийтэлээбитэ. онно куоталаһыы экраннарын олохтоон, ким хайдах үлэлээн иһэрэ, ким кыайбыта, ким хайдах үлэлээн иһэрэ, ким хаалбыта, график тутуһуллуута ытыска уурбут курдук көстөн турара. Ол быыһыгар «Бойобуой листогу» таһааран киэҥ сэҥээриини тардара, агитбригада тэрийэн көрү көҕүлүттэн тутара. Петр Акимовиһы оройуон культуратын өрө көтөхсүбүт дьоннортон биирдэстэрин быһыытынан үрдүктүк сыаналыыллара.
