Магасская модельная сельская библиотека

«Таптыыр сахам тылынан…»өрөспүүбүлүкэтээҕи акция

Маҥаас орто оскуолатын үөрэнээччилэрэ, өрөспүүбүлүкэтээҕи дьыктааҥҥа, сылын аайы көхтөөхтүк кытталлар. Ол курдук быйыл уопсайа үһүс кылаастан ахсыс кылааска дылы 20 үөрэнээччи төрөөбүт тыл уонна сурук — бичик күнүгэр аналлаах акцияҕа кытыннылар. Үһүс, төрдүс кылаас оҕолоругар начальнай кылаас учуутала Варвара Гаврильевна Егорова, онтон улахан кылаас үөрэнээччилэригэр саха тылын учуутала Полина Васильевна Еттянова үлэлэстилэр.
Төрөөбүт төрүт тыл Сөрүүн сүөгэй курдук Сүрэҕи — быары сөрүүкэтэр Убаҕас отон уутун курдук Улахан куйааска утаҕы аһарар…..
Сэттис, ахсыс кылаас оҕолоро бары да, сахаларын тылларын билэллэрэ, таптыыллара хайҕанна. Кинилэр «Төрөөбүт тыл сүдү күүһэ» диэн сорудахха суруйбуттарыттан бэчээккэ таһыарыам.

Васильева Айыына 7 кылаас: Төрөөбүт тыл — диэн аан бастаан истибит уонна саҥарбыт тылбыт. Төрөөбүт тылбытын сайыннарыахтаахпыт, өйдүөхтээхпит. Эйигиттэн бэйэҕиттэн тылыҥ сайдара тутулуктаах. Төрөөбүт тыл сүдү күүһэ — кинигэ. Кинигэҕэ эн билэр, билбэт тылларыҥ бааллар. кинигэни ааҕан тылгын байытаҕын, элбэхтик төрөөбүт тылгынан саҥарар буолаҕын. Элбэҕи ааҕаҥҥын тылыҥ саппааһын байытаҕын. Тылбыт сүдү күүһэ ол буолар. Сахалыы тылбытын умнумуоҕуҥ, саха буолан төрөөбүппүтүн умнумуоҕуҥ диэн ыҥырабын!

Лазарева Эльмира 7 кылаас: Төрөөбүт тылы киһи кыратыттан билиэхтээх. Оччоҕо улаатан баран үчүгэйдик сыыһата суох саҥарар уонна кэпсэтэр буолуохтаах. Биһиги төрөөбүт саха тылбыт олус үчүгэйдик иһиллэр. Ол курдук оҕону кыра эрдэҕиттэн сахалыы саҥарарга үөрэтиэххэ сөп. Оччоҕуна биһиги саха тылбыт өссө сүтүө, симэлийиэ суоҕа. Төрөөбүт тыл сүдү күүһэ, хас биирдии сахаҕа баар буолуохтаах. Ханнык эмэ омук дойдутугар бардахха, төрөөбүт тылгын өрө тутан, кыбыстыбакка «мин сахабын» диэн киэн туттуохха наада. Төрөөбүт тылбытынан кэпсэтэн, элбэҕи билэбит, үөрэнэбит. Холобура, ким тугу үлэлиирин, хантан сылдьарын, төрдүн — ууһун… Сахам тыла наһаа да көмөлөһөр, сахам култууратын, тугунан дьарыгырбыттарын, итэҕэлбитин уонна хос эбээлэрбит, эһээлэрбит тугу гыммыттарын. Биһиги ону билэн, кэлин оҕолорбутугар кэпсиэхпит. Мин сахам тыла — олус да күүстээххин, ол иһин мин тылбын таптыыбын.
Петрова Уруйлаана 8 — с кылаас: «Төрөөбүт тыл сүдү күүһэ» ис хоһоонол, мин санаабар маннык: төрөөбүт сирбитин, тылбытын бары таптыы, харыстыы сылдьыахтаахпыт. Норуот аайы бэйэлэрэ тус туспа тыллаахтар. Онтон мин төрөөбүт тылым САХА ТЫЛА буолар. Мин сахабынан уонна төрөөбүт тылбынан киэн туттабын, олус диэн таптыыбын.
Герасимов Гриша 7 кылаас: Бу орто дойдуга олорор норуоттар бары истиҥник саныыр баай ис хоһоонноох тыллаахтар. Онтон биһиги сахалар төрөөбүт тылбытын умнубакка, ийэ тылбытын иҥэринэн сырыттахпытына, дьэ саха норуотун киһитэ буолаҕын. Төрөөбүт тылбытын умнумуоҕуҥ!

Контакты

Адрес: 678230, Республика Саха (Якутия), Верхневилюйский улус (район), с. Верхневилюйск, ул. Октябрьская, дом 17

Email: vvlib@mail.ru
Телефон: +7 (4113) 34-12-28

О нас

Мы сеть из 23 библиотек Верхневилюйского улуса

Централизованная библиотечная система состоит из Центральной модельной библиотеки им. О.Д. Федоровой, детской библиотеки и 21 библиотеки-филиала

Часы работы

Понедельник — Пятница
09:00 — 18:00

Суббота
10:00 — 17:00

Воскресенье
Выходной

2025 © МКУ "Верхневилюйская МЦБС"