«Үөһээ Бүлүү» хаһыат 2025 сылга биир сыллаах сурутууну ыыта олорорунан, улууспут хаһыатыгар сурутуоҕуҥ диэн ыҥырабыт.
2025 сылга толору сурутуу суумата 1371, 57 солкуобайга тэҥнэһэр, сыл аҥарыгар сурутуу 680,34 солк.
Аҕа дойду улуу сэриитин бэтэрээннэригэр уонна 1, 2 группалаах доруобуйаларынан хааччахтаах дьоҥҥо сыллааҕы чэпчэтиилээх сурутуу сыаната: 1260,06 солк. Алта ыйга 625,68 солк.
Дьиэттэн тахсыбакка эрэ бу сигэнэн киирэн сурутуҥ: https://podpiska.pochta.ru/press/%D0%9F%D0%98976
Чэпчэтиилээх сурутууну мүччү туппакка, улуус хаһыатыгар сурутаргытыгар ыҥырабыт!
Саһарбыт страницалар кэпсииллэр: 50 сыл анараа өттүгэр сурутуу тэтимэ биһиги нэһилиэккэ.
ХАҺЫАТЫ, СУРУНААЛЫ – ЫАЛ ААЙЫ
СУРУТУУ ҮЧҮГЭЙДИК БАРДА
Юбилейнай сылга былааны толорууга, үлэ хаачыстыбатыгар куһаҕана суох көрдөрүүлээхпит. Дохуот сыллаагы былаана 3940 солкуобай этэ. Ону сыл түмүгэр 4144 солкуобайынан эбэтэр сыллааҕыны 106 бырыһыан толордубут. Бэчээккэ сурутуу 1750 солкуобай толорорго тиэрдиллибитин 2032 солкуобайынан толордубут, эбэтэр 110,6 бырыһыан, оттон экземпляр өттүнэн 120 бырыһыан туолла. Хаһыакка, сурунаалга ордук элбэхтик учууталлар, сулууспалаахтар суруналлар. Рабочайдартан комсомолец Михаил Дмитриев соҕотох бэйэтэ 20 экземплярга эбэтэр 189 солкуобай суумалаахха суруттарда. Түөрт сыл устатыгар Маҥаас почтатын коллектива сибээс оройуоннааҕы узелын «Махтал грамотатын» 2 төгүл ылла. Райком, райсовет уураахтарынан оройуон Бочуогун дуоскатыгар 2 төгүл таҕыста. Онон В. И. Ленин төрөөбүтэ 100 сыла туолар юбилейын бэчээккэ үчүгэй сурутуулаах көрүстүбүт.
1970 с. Петр Акимов Maҥaacтaaҕы почта отделениетын начальнига.
ХАҺЫАТ – ААҔААЧЧЫЛАРЫГАР
Аҕыйах хонуктааҕыта Маҥaaс нэһилиэгин ааҕааччыларыгар, оройуоннааҕы «Коммунизм сардаҥата» хаһыат редакцията ааспыт 1969 сыллааҕы улэтин отчуотун туруорда. Маннык олохтоохтор активнай кыттыыны ыллылар уонна хаһыат үлэтигэр туһааннаах үгүс боппуруостары биэрдилэр, этиилэри оҥордулар. Биһиги хаһыаппыт, диир отделение партийнай тэрилтэтин секретара, олохтоох аҕыс кылаастаах оскуола директора таб. Ан В. И., үлэтин билиҥҥи тирээн турар күннээҕи надалаах уонна боччум боппуруостары сырдатыыга туһаайан ыытар буолан, бэйэтин авторитетын үрдэтэр. Дьэ ол да иһин кини биһиэхэ өрүүтүн күүтүүлээх ыалдьыт быһыытынан сыаналанар. Ити эрээри манна мустубуттар бэйэбит бэчээппитигэр кыайан кыттыллыбаппытын, нэһилиэк олоҕун сырдатыыга кыһаммаппытын итэҕэспит быһыытынан сыаналыах тустаахпыт уонна инникиски өттүгэр ити итэҕэһи туоратыыга кыһамньыбытын ууруох кэриҥнээхпит. Дьиҥэ, биһиэхэ дьоҥҥо-сэргэҕэ кэпсиир ситиһиилэр, кыайыылар, ону тэҥэ итэҕэстэр-быһаҕастар, олох сайдыытын харгыстыыр мэһэйдэр суох буолбатахтар. Олору бириэмэтигэр хаһыакка тahaapнан истэххэ, нэһилиэк, отделение үлэтигэр-хамнаһыгар туһалаах, баар итэҕэстэри суһаллык туоратыыга көмөлөөх буолуо этэ. Итинтэн салгыы Василий Иванович оройуон хаһыата үлэ ветераннарын, Аҕа дойдуну көмүскүүр сэрии кыттыылаахтарын тустарынан матырыйааллары кэмиттэн кэмигэр биэрэн испэтин сэмэлээтэ. Ити тэҥэ оскуолалар иитэр-үөрэтэр үлэлэрин ситэ сырдаппатын ыйда. Тыл эппит рабочай Н. И. Семенов урут бэйэтэ үлэ дьиссипилиинэтин кэһэр түбэлтэлэри таһаартаабытын, онтон көммүтүн ахтан туран, нэһилиэккэ ордук эдэр ыччат өттүттэн арыгылааһын чахчылара баалларын бэлиэтээтэ итиэннэ хаһыат кэлэр өттүгэр борогуулсуктары, итирикситтэри утары охсуһуутун сытыырхатарыгар эттэ. Биһиги Маҥаастааҕы активнай рабселькорбут таб. Иванов И. Е. нэһилиэккэ корреспондентскай постар тэриллэллэрэ хайаан да наадалаах, онно көмөлөһөрбүн иэһим быһыытынан сыаналыыбын диэтэ. Отчуот түмүгүнэн манна киһиттэн састааптаах корреспондентскай пост тэрилиннэ. Чилиэннэринэн отделение управляющайа Отов Е.Н., Львов А. И., Иванов И. Е. талылыннылар.
Биһиги корр.
КУРУҺУОК ҮЛЭТИН САҔАЛААТА
Соторутааҕыта Маҥаас оскуолатыгар юнкордар куруһуоктара бэйэтин үлэтин саҕалаата. Занятиелары “Коммунизм сардаҥата» хаһыат биир активнай корреспондена Иванов Иван Елисеевич салайар. Билигин И. Е. Иванов 4 оҕону кытары дьарыктанар, Ол оҕолорунан Ваня Григорьев (VII кылаас), Гена Отов (VIII кылаас), Галя Васильева (VI кылаас), Валя Васильева (V кылаас) буолаллар.
Биһиги корр.
СУРУТУУ КӨХТӨӨХ.
Maҥaac нэһлиэгин олохтоохторо 1974 сыллааҕы бэчээккэ сурутуулара көхтөөхтүк ыытыллар. Сибээс отделениетын улэһиттэрэ начальник Степанова Олимпиада Сергеевна, почтальон, коммунистическай үлэ ударнига, коммунист Николай Иннокентьевич Петров кэлэр сыллааҕы хаһыакка уонна сурунаалга 2300 солкуойайдааҕы суруттаралларын оннугар 2500 солкуобайдаах сурутууну ыыттылар. Онон былааннарын ahapa толордудар, Республнканскай хаһыаттарга: «Эдэр коммуниска* — 34 экз., «Кыымҥа» 57 экз. «Хотугу сулус» литературнай альманахха 55 экз. сурулунна. Киин хаһыаттарга: «Правдаҕа» — 5 экз., «Комсомольскай правда» — 15 экз. эрэ сурутарылынна. Хас сыл аайы бу нэһилиэккэ хаһыакка, сурунаалга сурутуу улам үүнэн иһэр. Хас ыал аайы нэһилиэккэ ортотунан 30-туу солкуобайга суруттарыы ситиһилиннэ. Кэлэр сыллааҕы бэчээккз сурутууга ордук активнайдык интернат воспитателэ Павел Павлович Васильев — 86 солкуобай 60 харчылааҕы, отделение рабочайа Михаил Львович Дмитриев 80-ча солкуобайдаа5ы, Maҥaac аҕыс кылаастаах оскуолатын учуутала Д. И Саввн- нов, В. А. Афанасьев 70-тан тахсалыы солкуобайдаах хаһыаты-сурунаалы суруннулар. Бэчээккэ сурутуу билигин да көхтөөхтүк ыытылла турар.
1974 сыл И. ИВАНОВ
