Спорт, дьарык, сарсыардааҥы сүүрүү, чөл олоҕу тутуһуу хас биирдии киһиэхэ, тоҕо наадалааҕый? Ким эрэ бириэмэни таах халтайга барыыллар диэҕэ, онтон ким эрэ кырдьык туһадаах эбит дии саныаҕа. Ол эрээри, хайдах да санаабыппыт иһин, спорт – олох төрдө. Спордунан дьарыктанар киһи сүрэҕин үлэтэ тупсар, толкуйдуура, хамсанара түргэтиир, эрдэ кырдьыбат, уутун хана утуйар, стреһи түргэнник аһарар. Спордунан хайа баҕар киһи дьарыктаныан сөп. Манна эр киһи дуу, дьахтар дуу, сааһыттан ханна үөрэнэриттэн, тугу үлэлиириттэн тутулуга суох. Сүрүнэ – киһи доруобай олоххо тардыһыылаах буолуохтаах.
