Магасская модельная сельская библиотека

Сэтинньи 12 күнэ — доруобуйа күнэ

Доруобуйа киһи баар суох баайа буолар диэн өйдөбүлү оҕо төһө кыра сааһыттан билэр буола үөрэнэр да соччонон бэйэтигэр үчүгэй, туһалаах буолар. Киһи өйө-санаата эбиллэн атаҕар туран хааман, киһи буолбутун кэнниттэн сиһин тоноҕоһо көнөн олус элбэх ноҕуруусканы ылынар буолбут. Ол иһин сис тоноҕоһо утумнаах дьарыктааһыҥҥа наадыйар. Куруук сүүрэ-хаама, илиитинэн үлэлээн элбэхтик төҥкөҥнүү сылдьар киһи сиһин тоноҕоһо хамсыы, эрчиллэ сылдьар. Үгүстүк олорон эрэ үлэлиир, аҕыйахтык хамсанар дьон куруук систэрин көнөтүк тутта сылдьалларыттан тоноҕосторо ситэ хамсаабат буолуулара үөскүүр. Сис тоноҕоһо ситэ хамсаабатыттан, биир сиргэ көһүйэн хаалыытыттан аны ыалдьар буолан барар. Дьэ ол инниттэн, бэйэни көрүнүү бэйэбит илиибит иһигэр баарын дакаастаан, нэһилиэк дьоно — сэргэтэ, оҕото — уруута бүттүүн сарсыардаттан сэрээккэнэн дьарыктанан, сибиэһэй салгыҥҥа, айылҕаҕа тахсан алтыһан, нэдиэлэ оптуорунньугун күн чэбдигирэн көрсөбүт.
Кыра саастаах уһуйаан иитиллээччилэрэ, сарсыардаттан сахалыы оонньуу хабылыгы кытта билистилэр. Хабылыгы былыр былыргыттан саха дьоно умсугуйан оонньууллара. Ордук оҕо аймах күрэхтэһэн, сиргэ, остуолга эбэтэр олоппоско төгүрүччү олорон бэрт көхтөөхтүк оонньууллара.
Эрчиллэбит биһиги

Хабылыгы хабыалаан,

имигэстик илиини

Имитэбит харбыалаан.

бары бииргэ кыттыһан

Төгүрүччү турабыт,

Хабылыгы сөбүлээн

Күрэхтэһэ оонньуубут…

Орто оскуола үөрэнээччилэрэ, «Движения это жизнь» тиэмэнэн айылҕаҕа тахсан, сибиэһэй салгыҥҥа араас хамсаныылары оҥорон, эти — хааны чэбдигирдэн сүүрдүлэр — көттүлэр.
Алын сүһүөх оскуола үөрэнээччилэригэр, доруобуйаҕа аналлаах бэсиэдэ, хамсаныылаах оонньуулар буоллулар. Кэлэр нэдиэлэҕэ көрсүөххэ диэри.

Контакты

Адрес: 678230, Республика Саха (Якутия), Верхневилюйский улус (район), с. Верхневилюйск, ул. Октябрьская, дом 17

Email: vvlib@mail.ru
Телефон: +7 (4113) 34-12-28

О нас

Мы сеть из 23 библиотек Верхневилюйского улуса

Централизованная библиотечная система состоит из Центральной модельной библиотеки им. О.Д. Федоровой, детской библиотеки и 21 библиотеки-филиала

Часы работы

Понедельник — Пятница
09:00 — 18:00

Суббота
10:00 — 17:00

Воскресенье
Выходной

2025 © МКУ "Верхневилюйская МЦБС"