Дойдум Үөһээ Бүлүү. Татьяна Винокурова — Сабыйа
Төрүт — уус дойдубут саҕаттан Түҥ Бүлүү туонатын таптааммыт, Уутуйан үөскээбит сахаттан Уруйдаах эҕэрдэ ыытабын!
Төрөөбүт Эбэбит салгына Муус кыһын күүс — күдэх иитиэхтиир, Өлгөмнүүр быйаҥнаах сайына Үрүҥ ас дэлгэмин күөрчэхтиир.
Бу Үөһээ Бүлүүбүт сиригэр Удьуордаан үөскүүллэр чулуулар Үлэһит үтүөтэ боотурдар Олоҕу киэргэтэн симииллэр.
Сайдыыны, билиини батыһан Кынаттаах ырабыт ыраатар, Соргуну салайсан Ил Дархан Сахаҕа эркээйи суол ыйар!
Эн, Бүлүү Хотуммут, сылаанньый, Муостаҕын өрө уун, кытаатыый! Бар дьоммут олоҕун тупсарыан, Барҕарыы суолларын арыйыан!
Үөһээ Бүлүү күнэ
