Улуу Кыайыы 78 сылынан!

Маҥаас нэһилиэгэ сэрии сылларыгар.

Аҕа дойду Улуу сэриитин кэминээҕи «Үөhээ-Бүлүү большевига»  хаhыат страницалара кэпсииллэр.

ОТ ХОМУУРУГАР СОЦИАЛИСТИЧЕСКАЙ КУОТАЛАҺЫЫ КЫАЙЫЫЛААХТАРЫГАР

ПОЧЕТ ДОСКАТА

От хомуурун графиктарын аhары толортообут колхозтары  уонна от хомууругар социалистическай куоталаhыы декадатааҕы условияларын толорбут биирдиилээн колхозтаахтары уонна колхозницалары таhаарабыт. (Бу сырыыга машинистар эрэ таhаарылаллар).

     II ДЕКАДА ТҮМҮКТЭРИНЭН -КОЛХОЗТАР:

1. Ворошилов аатынан к-з (Мэйик)- 60.5 быр.
2. Осипенко аатынан к-з (Күүлэт)- 53 быр.
3. «Чинэки» к-з (1 Боотулуу) – 77 быр.
4. «Кыhыл олох» к-з (Оноҕоччут) — 60% быр.
5. «Харбаала» к-з (Маҥаас) – 59 % быр.
6. « Кыhыл рабочай» к-з (Нам) – 66% быр.

МАҤААСТАР  КӨМӨ   ФОНУГАР Маҥаас нэhилиэгин колхозтаахтара, сулууспалаахтара уонна комсомолецтара Кыhыл Армия воиннарын кэргэттэригэр уонна Аҕа дойдуну көмүскүүр улуу сэрии кыттыылаахтарын инвалидтарыгар көмөлөhүүгэ бэйэлэрин ытык эбээhинэстэринэн буоларын өйдүөн туран көмө фонугар 18 киилэ арыыны, 300 кгр бурдугу уонна 2215 солк. харчыны биэрдилэр.

Нэhилиэк советин председателя, Аҕа дойду сэриитин кыттыылааҕа таб. Прокопьев Н.Ф. ый аҥаардаах хамнаhын, Совет секретара 6 күннээҕитин, комсомольскай тэрилтэ секретара Афанасьева Е.М. 5-тии күннээҕи хамнастарын уо.д.а.биэрдилэр.

                                                                                         П.Петров.

КОМСОМОЛЕЦТАР  КӨМӨЛӨҺӨЛЛӨР

МАҤААС. «Харбаала» колхоозтааҕы комсомольскай тэрилтэ (секретарь Афанасьева Е.) аҕыйах хонуктааҕыта фронтовиктар оҕолоругар анаан хаччынан 180 солкуобайы, бурдугунан 46 килоны биэрэргэ көхтөөхтүк суруттардылар.

                                                                                                            А.Павлов.

СИТЭ ТАХСА ИЛИКТЭР

  1 Боотулуу наспотун былааннаах 34 булчуттара  өссө да булка тахса иликтэр. Оттон билигин бултуу сылдьар 85 булчуттартан үгүстэрэ чугас тыаҕа бултууллар, ол иhин былаанарын 5 быр.эрэ толордулар.  «Харбаала» колхоз булчуттара т.т.Тимофеев С., Алексеев П.

                                                                                                               П.Игнатьев.

Бастыҥ звено дьонноро

   МАҤААС. Сталин аатынан колхозка т. Григорьев звеньевойдаах Кубалыҥда учаастагынааҕы звено киниэхэ олохтонуллубут графигы 119 % толорон иhэр. Бу звено дьонноро үлэҕэ сарсыарда 6 чааска киирэллэр уонна киэhэ 10-11 чаастарга уурайаллар. Үлэлээhин нормаларын күн аайы Константин Павлов- 200 %, Сергей Григорьев -140% толороллор. Биhиги колхозтаахтарбыт сорудаҕы төhөнөн аhары толороллор да, соччоннон Кыhыл Армия кимэн киириилээх действиеларыгар көмөлөhөллөр.

                                                               В. Илларионова.

3 НЬИРЭЙИ ТӨРӨППҮТ ЫНАХ

МАҤААС. «Харбаала» колхозка ыанньыксыт таб. Поскачина Х. көрөр биир ынаҕыттан 3 ньирэй төрөөтө. Онтон биир ньирэй 2 хоноот өллө. Иккитэ хас биирдиитэ 8-тыы кило ыйааhыннаахтар, доруобайдар. Таб. Поскачина саҥа төрүөхтэри оҕолуу бүөбэйдиир.

Ыhыаҕы атаараллар

МАҤААС нэhилиэгинээҕи «Харбаала», Сталин аатынан колхозтар сааскы үлэни кыайыылаахтык түмүктээннэр ыhыах бырааҺынньыгар көрдөрүүлээхтик бэлэмнэннилэр. Ыhыаҕы атаарыыга комиссия тэриллэн үлэлиир. Манна спортивнай- физкультурнай бэлэмнэнии колхозтаах ыччаттартан сүүмэрдэнэн бэлэмнэннэ. Колхозтаахтар үлэлэрин күнүгэр тиксэр натуранан дохуоттарыттан бурдугунан, арыынан, этинэн, кымыhынан ыҺыах ыhан тэрийдилэр.

                                            З. Гаврильев.

Кэрэхсэбиллээх дьыала

МАҤААС нэhилиэгинээҕи «Харбаала», «Саҥа олох» уонна Сталин аатынан колхозтар председателлэрэ т.т. Петров П.В., Федотов Е.С., Саввинов С.С. инициативаларынан кэнники бириэмэнэн ааҕар балаҕан үлэтигэр үчүгэй көмөнү оҥордулар. Ааҕар балаҕан инвентар булуутугар, музыкальнай инструменнары, кинигэлэри атыылаhарыгар колхозтан 1000 солк. биэрдилрэр, итини таhынан туспа, киэҥ, үчүгэй хоhунан, көлөнөн хааччыйаллар у.д.а. көмөнү тэрийэллэр.

Бөhүөлэк тутуутугар

МАҤААС. «Харбаала» колхозка тиипэбэй дьиэ тутуутугар 4 киhилээх бастайааннай биригээдэ үлэлиир. Биригээдэ дьиэ маhын таҥастааhынын бүтэрэн тутууга киирдэ. Тутуу объектара хомуур иннинэ бүтүөхтэрэ.

                            З. Гаврильев.

Заем үбүн хомуурун бүтэрдилэр

   МАҤААС. «Харбаала» колхозка анаммыт заем болумуочунайа таб. Петров П.В. колхозтаахтар заемҥа суруппут7825 солкуобай үптэрин хомуйан сберкассаҕа өссө бэс ыйыгар туттарбыта.

З. Гаврильев.

Болдьоҕун иннинэ толоруохтара

МАҤААС нэhилиэгин колхозтара эбэhээтэлинэй поставкалары толорууга кэккэ практическай дьаhаллары ыллылар. «Саҥа олох»  колхоз (пред. Федотов) арыы нолуогун 85 быр., «Харбаала»  колхоз ( пред. Петров)-65 быр. уонна Сталин аатынан колхоз (пред. Саввинов)-60 быр. туттарын  графиктарын  аhара  толорон  иhэллэр.Колхозтаахтар  эбэhээтэлинэй нолуоктары болдьоҕун  иннинэ толорорго быhаарыналлар.

                                                  Маҥаас колхозтарыгар

Маҥаас нэhилиэгинээҕи колхозтар сааскы ыhыы үлэтигэр уонна төрүөх  хампаанньатыгар  бэлэмнэнии үлэлэри  куhаҕана суохтук  ыыталлар.Ол курдук, колхозтар ыhыыга тутталлар тыа-хаhаайыстыбаннай  массыыналарын өрөмүөнүн бүтэрэннэр ат сэбин өрөмүөнүгэр киирдилэр. Ноhуом тиэйитин былаана 87 % туолла.Төрүүр ынахтарга от сапааhа  колхозтарынан толору таhылынна  ити тэҥэ ынах төрүүр хосторун, ньирэйдэр  групповой  клеткаларын оҥортоон эрэллэр.

                                                                                                      Е.Николаев.

«Харбаала»  колхоз ферматыгар

Маҥаас нэhилиэгинээҕи  «Харбаала»  колхозка 8 ынах төрөөтө. Кинилэр ньирэйдэрэ билигин бары үчүгэй туруктаахтар.Бу колхоз салайааччылара быйылгы төрүөҕү сүтүгэ суох ылар уонна толору иитэр наадатыгар, сүөhүнү төрөтүү хампаанньатыгар эрдэттэн тэрээhиннээхтик бэлэмнэммиттэрэ. Колхоз хотонноругар уонтан тахса ынах төрүүр хосторо бэлэмнэммитэ уонна саҥа төрүөҕү туруорар телятник икки хос былаахынан саҥа муосталанан турар.Колхоз ыанньыксыттара уулаах ынахтары үчүгэйдик хатаҕалаан аhаталлар, кинилэргэ өрүү минеральнай аhылыктары –тууhу уонна уҥуох күлүн сиэтэллэр, ыраас уонна сылаас уунан уулаталлар. Кинилэр быйылгы төрүөҕү барытын үчүгэй туруктаах иитэн таhаарарга уонна ынахтан боччумнаах эбэhээтэлистибэлэри ылынан үлэлииллэр.

И.Куприянов.

БОЧУОТ ДУОСКАТА

От, бурдук хомууругар куоталаhыы бэhис декадатыгар маннык илиинэн от охсооччулар.

Илиинэн охсооччулар

1. Федотов Егор Степанович – Маҥаас –« Саҥа олох» колхоз членэ, 8,9 ганы охсон.
2. Попов Николай Иванович – эмиэ ити колхоз членэ, 8.9 ганы охсон.
3. Степанов Егор Егорович — эмиэ ити колхоз членэ, 8.5 ганы охсон.

« Килбиэннээх үлэ иhин медаллары туттарыы»

Маҥаас нэhилиэгинээҕи  үс колхозтарга алтынньы 17-20 күннэригэр « Килбиэннээх үлэ иhин» диэн медаллары туттарыы үөрүүлээх миитиннэрэ буолла. Аҕа дойду улуу сэриитин сылларыгар бэйэни харыстаммакка хорсуннук, үрдүк таhаарыылаахтык үлэлээбит, хаан өстөөхтөрү урусхаллааhыҥҥа дьаныардаах үлэлэринэн көмөлөспүт 60 колхозтаах, ССРС Верховнай Советын Президиумун Ыйааҕынан, «1941-1945 с.с.   Аҕа дойду улуу сэриитигэр килбиэннээх үлэтин иhин» медалларынан наҕараадаланнылар.Ол иhиттэн  « Саҥа олох» колхозтан 15,   «Харбаала» -25, Сталин аатынан -20 киhи, колхоз бастыҥ боройусубуостабынньыктара наҕараадаланнылар.Наҕараадаламмыттар правительство ити үрдүк сыанатыгар эппиэттээн тураннар, Ийэ дойду өссө чэлгийэ сайдарыгар. Сталинскай саҥа пятилетканы кыайыыннан түмүктүүр иhин колхозка өссө күүрүүлээхтик үлэлииргэ санааларын биллэрдилэр.

                                                   Т.Мойтохонов В.Илларионова М.Саввинова

Тэрээhиннээх үлэ

МАҤААС. Бу нэhилиэк колхозтарга от хомуурун тэрээhиннээхтик саҕалаан билигин от охсуутун графигын аhара толорон иhэллэр. Колхозтаахтар ортолоругар Социалистическайдыы куоталаhыы киэҥник тэнитилиннэ уонна тус-туспа участактарынан агитатордар сыhыарыллан үлэлииллэр. Ол түмүгэр нэhилиэк үрдүнэн колхозтаахтар социалистическайдыы куоталаhыыларын оройуоннааҕы условиеларын 31 колхозтаахтар толордулар. Үлэҕэ үрдүк таhаарыыны көрдөрдүлэр; 70 саастаах « Саҥа олох» колхоз членэ Попова Анна күннээҕи норматын 147% Николаева Агафия «Харбаала» колхоз членэ күннээҕи норматын 200%, Иванова Мария, Михайлова Анастасия, Иванова Ирина күннээҕи нормаларын 188% от охсуутугар толортоотулар. 15 саастаах Николай Поскачин от охсуутугар күнүн аайы 260% үлэтин норматын толордо.От хомууругар колхозтарга үлэ үчүгэйдик тэриллибитин түмүгэр атырдьах ыйын 5 күнүнээҕи түмүгүнэн от охсуутун сыллааҕы планын Сталин аатынан колхоз 85%, «харбаала» 100%, « Саҥа олох» 84% толортоотулар.

                                                                                               В.Илларионова

Хаалыыттан тахсыахха

МАҤААС. Нэhилиэк үрдүнэн үптэр хомуурдара хаалан иhэр. Маннааҕы колхозтар сорох салайааччылара, колхозтаахтар ортолоругар агитационнай-массовай үлэни тэрээhиннээхтик туруоран уонна бэйэлэринэн холобур буолан, үптэр хомуурдарын болдьоҕор толорору ситиhиэхтээх этилэр. Ити колхозтар сорох салайааччылара колхозтаах массаҕа агитационнай- массовай үлэни ыытыахтааҕар, колхозтаахтар ортолоругар холобурунан буолуохтааҕар, төттөрүтүн, бэйэлэрэ налогтарын төлөөбөккө   сылдьаллара мэлдьэх буолбатах,ол курдук «Харбаала» балаҕан ыйын 11 күнүнээҕи даннайдарынан, бу нэhилиэккэ 3 кварталлааҕы үптэр хомуурдарын плана туолла.

Н.Д.Григорьева

Үлэhиттэр депутаттарын нэhилиэктэрдээҕи                                                                         Советтарыгар быыбардаммыт депутаттар испииhэктэрэ

Маҥаас нэhилиэгэ

Борисов Михаил Николаевич

Васильев Павел Данилович

Егорова Анна Николаевна

Илларионов Михаил Павлович

Илларионова Варвара Ивановна

Львова Мария Александровна

Петров Петр Васильевич

Степанов Сергей Егорович

Федотов Ефрем Степанович

Бастыҥ агитколлективтар

Маҥаас, Сургуулук нэhилиэктэринээҕи агитколлективтар колхозтаахтар ортолоругар политическай- массовай үлэни үчүгэйдик ыыталлар. Бу агитколлективтар Райком партийнай пропагандаҕа уонна агитацияҕа отделынан оҥоhуллубут тематика сүнньүнэн үлэлииллэр. Агитколлективтар салайааччылара хас биирдии агитаторга ыйан кэрдэн биэрэллэр, киниэхэ көмөлөhөллөр. Коммунист таб. Борисов З.Н. салайааччылаах Маҥаас нэhилиэгинээҕи агитколлектив ураты үчүгэйдик үлэлиир уонна лаппа үчүгэй түмүктэри ситиспит.