Бу Күн олохтонуута Саха Сирин төрүт олохтоохторун төрөөбүт тылларын сайыннарыыга, бастакы саха суругун-бичигин олохтообут саха лингвист-учуонайа, бастакы саха үөрэҕин кинигэлэрин таһаарааччы Семен Андреевич Новгородов сырдык кэриэһин үйэтитэр, аатын ытыктатар соруктаах. Дьэ, ол курдук сылын аайы Саха норуотугар бу күн, үрдүк тэрээһиннээхтик, өрө күүрүүлээхтик тэриллэр.
Өксөкүлээхтии өтө көрөр көтүүлээх, Алампалыы алгыыр — араҥаччылыыр аналлаах, Ойуунускайдыы уус — уран дьүһүлгэннээх төрүт тылбыт, Ийэ тылбыт, Сахабыт тыла баарын тухары биһиги омук үүнэ — сайда, үксүү, үрдүү туруохпут! (Чолбон сурунаалтан)
«Таптыыр сахам тылынан» өрөспүүбүлүкэтээҕи аахсыйаҕа кыттыһан олохтоох библиотека библиотекаря Изабелла Тимофеева уонна орто оскуола организатора Матрена Григорьева, оскуола оҕолоругар дьыктаан суруйтардылар. Ийэ тылга аналлаах биктэриинэ ыыттылар. Дьыктаан сыала — өрөспүүбүлүкэ үөрэнээччилэрин төрөөбүт тылынан суруктара — бичиктэрэ, уус — уран, литэрэтиирэ нуорматыгар эппиэттиир , тупсаҕай буоларыгар үлэлэһии. Күрэҕи СӨ Национальнай бибилэтиэкэтин «Оҕо арыллар, ааҕар киинэ» тэрийэн ыыттарда.
Сурук — бичик күнэ
