Фронтовик-поэт, оҕо суруйааччыта, норуодунай поэт П.Н. Тобуруокап 1917 с. алтынньы 25 күнүгэр Үөһээ Бүлүү улууһун Ороһу нэһилиэгин Өлөкөөн диэн сиригэр күн сирин көрбүтэ.
«Тыаллаахха, тымныыга,
Муус күһүн,
Хаардаах күн,
Төрөөбүт үһүбүн
Биир дууһа,
Биир киһи,
Биир саха – мин!»
Саха литературатын историятыгар Петр Тобуруокап айар үлэтэ биир боччумнаах миэстэни ылар. Кини күн бүгүн даҕаны саамай киэҥ ааҕааччылаах, норуот бары араҥатыгар чугас уонна өйдөнөр, төрөөбүт норуотун тапталын, биһирэбилин ылбыт суруйааччынан ааттанар. Үйэ аҥаарыттан ордук кэмҥэ саха дьоно, сааһыттан тутулуга суох, оҕотуттан оҕонньоругар тиийэ, Петр Тобуруокап ырыатын-хоһоонун күннэтэ ыллыы-туойа, умсугуйа ааҕа сылдьабыт.
Бүөтүр Тобуруокапка анаан билигин араас хоһоон айыллар, ол курдук Полина Победа айбыт хоһооно.
Тобуруокап тоҕото.
Тобуруокап тоҕото Тиийэн кэллэ бэйэбэр Тоҕо киһи кырдьарый? Тоҕо олох кылгаһый?
Тоҕо дууһа ылыммат Кырдьыан отой баҕарбат? Тоҕо дьолго дьулуһар? Тоҕо дьоҥҥо талаһар?
Тоҕо бачча саастарга Баҕа санаа баһаамныыр? Өлөн иһэн өйдөммүт Диэбит курдук буолабыт?
Тобуруокап убайбыт Тоҕус төгүл тоҕото Тыытта өйү — санааны, Толкуйдатта үйэ саас.
Тоҕо бары бу манна Муһуннубут дьэ бары? Тобуруокап тоҕотун Таабырынын таайаары.
Уонна хаһан кэлиэмий? Уонна хаһан көрүөмүй? Сүдү киһи дойдутун, Тобуруокап күһүнүн?
