Warning: Invalid argument supplied for foreach() in /var/www/u0965142/data/www/vvlibr.ru/wp-content/plugins/book-shelf/includes/main.php on line 185
Warning: Invalid argument supplied for foreach() in /var/www/u0965142/data/www/vvlibr.ru/wp-content/plugins/book-shelf/includes/main.php on line 185
Муус устар 27 күнэ- Саха Республикатын күнэ
Муус устар 27 күнэ-саха норуотун олоҕор быһаарыылаах уонна ураты суолталаах күн. 1922 сыл муус устар 27 күнүгэр БСКСК Президиумун анал уурааҕынан Саха Автономнай Советскай Социалистическай Республиката тэриллибитэ. Маныаха сүдү үтүөлээх дьоммутунан Максим Аммосов, Платон Ойуунускай, Степан Аржаков, Исидор Барахов уо.д.а.буолаллар. Кинилэр ити кэмҥэ диэри Российскай империя биир саамай хаалыылаах Саха уобалаһын инники сайдар түөрэҕин түстээбиттэрэ. Саҥа былаас олохтонор кэмигэр Саха сирин территориятын ыаллыы сытар Иркутскай уобаласка холбуур туһунан кэпсэтиилэр бааллара, оннук буолбута буоллар, саха норуота симэлийиэ, төрдө сарбыллыа эбитэ буолуо. Ону өйдөөн, ол кэминээҕи саха норуота киэн туттар олус эдэр, патриот өйдөөх, муударай дьоно инникини өтө көрөн, күүскэ туруорсан, автономия статуһун ылары ситиспиттэрэ. Онон Сахабыт сирин территориальнай бас билиитэ күөмчүлэммэтэҕэ. Кыралаан да буоллар, сайдыы киирэн барбыта.
Оттон 1992 сыл муус устар 27 күнүгэр СР XII ыҥырыылаах Үрдүкү Сэбиэтэ Республика саҥа Конституциятын ылыммыта. Конституциялаах буоламмыт биһиги сахалыы гимннээхпит, гербэлээхпит, былаахтаахпыт. Государственнай былаах 4 өҥнөөх: халлаан күөх — көҥүл буолууну, эрэли көрдөрөр, маҥан дьураа — дойдубут тыйыс айылҕалааҕын, от күөҕэ — кылгас күөх сайыны, доҕордоһууну бэлиэтиир, кыһыл — күүстээх буолууну, төрөөбүт дойдуга эрэллээх буолууну, сайдыыны көрдөрөр . Маҥан төкүнүк — үрүҥ күнү көрдөрөр. Гербэҕэ былыргы аттаах киһи ойууламмыт. Бу былыр Лена очуос таастарыгар уруһуйдаан хаалларбыттарыттан ылыллыбыт уруһуй. Үөһээ сэттэ алмаас таастар сэттэ олохтоох омугу көрдөрөллөр (нууччалар, сахалар, эбээннэр, эбэҥкилэр, долганнар, юкагирдар, чукчалар). Ити курдук баай ис хоһоонноох былаахтаахпыт уонна гербэлээхпит.
