Маҥаас нэһилиэгэ улуус ылыммыт ыҥырыытын өйөөн, көхтөөхтүк кытынна. Ол курдук сарсыарда эрдэлээн «Чуораанчык» уһуйаан иитиллээччилэрэ, баспытаатал Лена Анатольевна салайыытынан, сарсыардааҥы сэрээккэннэн саҕалаата. Эбиэт иннигэр балыыһа кэллэктиибэ, медсестра Кыдаана Николаевна, Альбина Александровна тустаах дьоҥҥо аналлаах лекция, уонна бу «магнитнай күннэргэ» хайдах бэйэни бэрэбиэркэлэнэ, кэтэнэ сылдьарга давления кэмнэнэргэ, сүбэлээтилэр. Эбиэттэн киэһэ, көмүс күһүн, солотуу өҥүнэн симэнэн турар кэмигэр «Аар айылҕалыын алтыһыаҕыҥ» диэн айылҕаҕа тахсан, оту — маһы кытта алтыһан, эмтээх оттор үүнэр сирдэрин көрөн — истэн кэллибит. Нэһилиэк ытык кырдьаҕаһа, 85 саастаах, медицина үлэтин ветерана Иванова Мария Кононовна сүбэтин, иһиттибит. Олохтоох библиотекаҕа спорт, доруобуйа тематыгар аналлаах, кинигэ быыстапката турда.
