Муус устар 25 күнүгэр оройуон народнай добровольнай дружиналарын командирдарын, табаарыстыы сууттар председателлэрин семинар-совещаниелара буолан ааста. Сүбэ мунньах кыттыылаахтара «ССКП райкомун Vll пленумун уураахтарын олоххо киллэрииигэ общественнай тэрилтэлэр соруктара диэн ССКП райкомун пропагандаҕа уонна агитацияҕа отделын сэбиэдиссэйэ таб.Алексеев В.С. дакылаатын киэнник дьүүллэстилэр. Дакылааты дьүүллээһиигэ кытыннылар: А.И Харабаев — милиция оройуоннаа5ы отделениетыттан, И.И.Долгунов – Үөһээ Бүлүү селотунаа5ы добровольнай народнай дружинаттан, И.Е.Иванов – Маҥаас Нэһилиэгин табаарыстыы суутуттан, И.Н. Степанов – Кэнтик нэһилиэгин народнай дружинатыттан, С.Г.Ефимов – машино-мелиоративнай станцияттан, А.Е.Самыров – Быракаан народнай дружинатыттан, В.Г. Ильин – Мэйик нэһилиэгин табаарыстыы суутуттан уонна да атыттар.
ССКП райкомун иккис секретара таб. Долгунов В.С. бастын дружинниктарга Саха АССР Министрдэрин Советын уураа5ынан анаммыт түөскэ анньынар знактары уонна удостоверениелары туттартаата. Сүбэ мунньах кыттыылаахтара ыныры ылыннылар.
Субэ мунньах кэнниттэн семинар ыытылынна. Онно «Күлүгээнистибэни уонна обществоны утары атын да дьайыылары кытта охсуһуу туһунан» следователь К.Диванов, «Народнай добровольнай дружиналар функциялара» диэн тема5а оперуполномоченнай А.И. Харабаев, «Техника5а куттал суох буолуутун хааччыйыыга общественнай тэрилтэлэр оруолларын туһунан» ГАИ инспектора П.Я.Румянцев, «Табаарыстыы сууттар функцияларын туһунан» народнай судьуйа Е.И.Герасимова, «Аан дойду балаһыанньатын туһунан” СККП райкомун парткабинетын сэбиэдиссэйэ Д.И.Донской лекциялара буолла.
Общественнай бэрээдэк харыстабылыгар
МАҤААС. Соторутаа5ыта буруйу-сэмэни оҥорууну бохсуу уонна бэрээдэги харыстааһын туһунан нэһилиэк олохтоохторун уопсай мунньа5а буолла. Онно сельсовет председателэ таб. Семенов Е.Н. дакылаатын дьүүллэһиигэ 18 киһи кытынна.
И.Иванов
Биһиги хаһыаппыт
“Үөһээ бүлүү” совхоз Маҥаастаа5ы отделениетыгар “Агитатор” хаһыат таһаарыллар. Ол гынан баран ааспыт кэмнэргэ хаһыат мөлтөхтук оноһуллара. Ити да иһин буолуо, хаһыат авторитета намыһах этэ.
Кэлин “Агитатор хаһыат улэгэ сөргуйдэ. Хаһыат кэмиттэн кэмигэр ый ахсын быыстала суох тахсар буолла. Ити курдук ааспыт сыл алтынньы ыйыттан 8 нүөмэр таһаарылынна.
Мин бу хаһыакка редакторынан улэлиибин.Хаһыат ис хоһооно аа5ааччыларга тиийимтиэ буоларыгар кыһаллабын.
Хаһыат сорох нүөмэрдэрэ иккилии экземплярынан таһаарыллан.Чоҥоро сельскэй кулуубугар ыйанар. Манна кулууп улэһитэ В.Федотова нэһилиэнньэ5э хаһыаты аа5ан иһитиннэрэр.
Ол да буоллар, хаһыат улэтигэр угус итэ5эстэр-быһа5астар бааллар. Манна нэһилиэк салалтата, профсоюз месткома, партийнай тэрилтэ хаһыат улэтигэр улахан көмөну оҥотторботтор. Хаһыат ис хоһоонун дьүүллэһиигэ аа5ааччылар сүбэ мунньахтара ыытыллыбат. Нэһилиэнньэ5э радионан хаһыакка тахсыбыт ыстатыйалары аа5ыы тэриллибэт.
Төһө да “Агитатор” хаһыаты таһаарыыга үгүс күчүмэ5эйдэр баалларын иһин, олору туоратар соруктаахпыт. Итиниэхэ олохтоох партийнай, профсоюзнай тэрилтэлэр көмө оҥороллоро наада.
Бэчээт күнүнэн сибээстээн, бары истиэнэ хаһыаттарын редактордарын уонна мин чугас коллегаларбын рабочай корреспонденнары истиҥник э5эрдэлиибин, үлэлэригэр ситиһиилэри ба5арабын.
И.Иванов.
“Агитатор хаһыат редактора, рабселькор.
Балыыһа дьиэ көһөрүлүннэ
Боотулуу отделениетын Чинэки биригээдэтигэр турбут балыыһа дьиэ Маҥаас отделениетыгар көһөрүлүннэ. Сотору кэминэн балыыһа дьиэтэ чөлүгэр түһэн нэһилиэккэ туһалыыр буолуо.
Бастыҥ производственник
Отделениеҕа үтүө ытыктабылынан туһанар дьоннор аҕыйаҕа суохтар. Ол курдук шофер Антон Львов, тракторист Николай Михайлов, ыанньыксыттар Елена Герасимова, Варвара Яковлева уонна хонууга араас улэҕэ сылдьааччы производственник Иван Борисов курдуктары ааттаталыахха сөп.
Иван Кириллович Борисов кыра эрдэҕиттэн бастыҥ үлэһитинэн биллэр. Араас үлэҕэ эриллэн, эрчиллэн билигин ханнык баҕарар үлэҕэ дэгиттэр идэлээх. Ол да иһин соторутааҕыта Иван Кирилловичка местком, совхоз харчынан бириэмийэни туттарбыттара, сотору Якутскайга сынньалаҥҥа барыа.
Күргүөмнээх үлэ ньиргийэр
Сааскы уһун күннэр үүнэннэр таһырдьа үлэлиэххэ үчүгэй да5аны. Хайдах эрэ сир дойду сырдаабыттыы олус үчүгэй. Бу маннык үтүө сааскы кэмҥэ хаар баарынан хамсаахтаан хаалыахха диэбиттии, отделение рабочайдара түүнү-күнүһү кэрэйбэккэ үлэлииллэр.
ДТ-75 маркалаах трактордар быыстала суох илин-ар5аа ньирилииллэр. Эдэр трактористар Илья Прокопьев, Степан Григорьев салайар трактордара Ар5аа Чоҥоро, Тимирдьин ферамаларыгар 40-ча тонна оту тиэйэн бүтэрдилэр.
Оттон Михайлов Н.П., Семенов Н.Н. тутуу маһын, фермаларга оту тиэйиини сүрүннээн бүтэрдилэр. Харбаала бүһүөлэгин иһигэр тутуу тэтимнээхтик барар.
О5о комбинатын, Совет дьиэтин, Чинэкиттэн көһөн кэлбит балыыһа дьиэтин тутуу, маны таһынан пилорама үлэлээһинэ — бу барыта күргүөннээх үлэ ньиргиэрэ.
547 грамм эбиллэр
Маҥаас. Отделение үрдүнэн подсоска 162 ньирэй иитиллэн турар. Ньирэйдэр сууккатааҕы эбиллиилэрэ 434 грамҥа тэҥнэстэ. Манна отделение үрдүнэн үрдүк көрдөрүүнү Чоҥоро ферматыгар подсоска үлэлиир Екатерина Евсеевна Егорова ситиспитэ. Кини хас биирдии ньирэй сууккатааҕы эбиллиитин 547 грамҥа тириэрдэр.
Екатерина Егорова кэнниттэн, тилэх баттаһан Тимирдьин подсоьун үлэһиттэрэ Степанова Мария Ефимовна, Алексеева Елена Дмитриевна иһэллэр.
Биһиги корр.
