Саха биллиилээх ырыа айааччыта, СӨ култууратын үтүөлээх үлэһитэ Мария Игнатьевна Константинова — 1928 сыллаахха Үөһээ Бүлүү улууһун Нам нэһилиэгэр төрөөбүтэ. 1957 сыллаахха Дьокуускайдааҕы муусука училищетыгар түөрүйэ-композиция кылааһыгар Грант Григоряҥҥа үөрэммитэ. Ол сылдьан бастакы «Өрүүнэлиир ыанньыксыт» ырыатын айбыта. Үөһээ Бүлүүгэ култуура салаатын сэбиэдиссэйинэн, кулууп сэбиэдиссэйинэн, Бүлүү куоратыгар оҕо муусукаҕа оскуолатын дириэктэринэн үлэлээбитэ. Ырыаларын хомуурунньуга «Кылы-кылы кылыбырай, көмүс тимэх баяным» 2000 сыллаахха тахсыбыта. 2014 сыллаахха «Ытык киһибит эдьиий Морууса»кинигэтэ сүрэхтэммитэ. 2020 сыл сэтинньи 3 күнүгэр орто дойду олоҕуттан 92 сааһыгар барбыта.
