Перейти к содержимому
Магасская модельная сельская библиотека
678243, с. Магасс, ул. Новая
vvlib_20@mail.ru
Войти в личный кабинет
Главная
Новости
Мероприятия
Menu
Главная
Новости
Мероприятия
Дьиэ кэргэн күнэ.
«Дьиэ кэргэн диэн тугуй?» — диэн ыйытыыга, саамай судургу эппиэт: аҕа, ийэ уонна оҕо диэн буолар. Хомойуох иһин, куруук маннык буолбат: сорох дьиэ кэргэҥҥэ аҕалара, сорохторго ийэлэрэ, сорохторго оҕолоро суох буолар. Дьиэ кэргэн диэн киһи ахсаана буолбатах. Дьиэ кэргэн диэн сыһыанынан холбоһо сылдьар дьоннор. Чуолаан эттэххэ, сыһыан дьиэ кэргэни үөскэтэр. Дьиэ кэргэн хаачыстыбата сыһыан хаачыстыбатынан быһаарыллар. Онон кэргэннии олохпутун бука бары үрдүктүк тутуохтаахпыт, ыал дьон бэйэ-бэйэбитигэр бэриниилээх буолуохтаахпыт. Дьон дьиэ кэргэн тэринэн төрүөхтээхтэр — ууһуохтаахтар, элбиэхтээхтэр, сири толоруохтаахтар, бас билиэхтээхтэр. Дьиэ кэргэн күнүгэр аналлаах “Өтөх төҥүргэстээх, сурт кэриэстээх, удьуор кыымнаах” диэн мероприятияны Маҥаас нэһилиэгин модельнай библиотеката бүгүн, ыам ыйын 15 күнүгэр, күнүс 3 чаастан ыытта. Мероприятия сүрүн хайысхаларынан, икки үлэ былааннаммыта. 1. “Дьиэ кэргэммин сахалыы тыыҥҥа иитэбин” – дьиэ кэргэҥҥэ оҕону төрөөбүт тылынан иитии сүрүн сорукпут буолар. Манна 40 – ча сыл педагогическай үлэ ыстаастаах начальнай оскуола учууталынан үлэлээбит, билигин сынньалаҥҥа олорор Петрова Ирина Никитична «О5о ийэ тылын кытта аан маҥнай билсэр, чугасаһар, сайдар бастакы оскуолата — дьиэ кэргэнтэн буолар, ийэ тыл диэн Ийэҕэ тэҥнээх. Оҕону кыра сааһыгар таба тутан, эрчийиэххэ, саҥардыахха наада»,- диэн санаатын эттэ. Сахаҕа «Кырдьаҕаһы хааһахха хаалыы сылдьан сүбэлэт», — диэн муударай өс хоһооно этэринии, эһээ, эбээ, абаҕа, таай дьон — оҕо тыла сайдарыгар көмөлөһөр, сэһэргэһэр муударай сүбэһиттэр. Кинилэрдиин кэпсэтэн оҕо тыла, майгыта, дууһата байар, диэн түмүккэ кэллибит. 2. “Древо жизни” анал программаны билиһиннэрии. Төрүччү үөрэҕэ диэн – өбүгэлэри, төрүттэри үөрэтии буолар. Сэбиэскэй былаас иннинэ сахалар төрүттэрин тоҕустан уон икки көлүөнэҕэ диэри бары билэллэр эбит. Онтон билигин, эдэр көлүөнэ өттө олох интэриэһиргээбэт түгэнэ элбэх. Саастаах өттүлэрэ лаппа интэриэһиргээн, элбэх ыйытыктаах библиотекаҕа кэлэллэр. Ол курдук суругунан тиһиллэн нэһилиэк үгүс дьонун киэнэ, библиотека фона буолан тураллар. Библиотекаҕа төрүччү оҥоруутугар анал программата баар. Бүгүҥҥү мероприятияҕа ол программаны билсии буолла. Экраҥҥа көрдөрөн туран, Зоя Семеновна Ажигалова – Дмитриева төрүччүтүн ырытан, оҥорон көрдүбүт саҕалааһынын. Олус интэриэһинэй диэн, махтаннылар.Бэйэлэрэ төрүччүлэрин кинигэлэрин аҕалан көрдөрдүлэр. Петрова Наталья Васильевна аҕата Василий Данилович Дмитриев таһаартарбыт төрүччүтүн кинигэтин ырытыстыбыт. Василий Данилович Маҥаас нэһилиэгэр улуутуйан үөскээн олорор Хомдьоо аҕатын ууһуттан төрүттээҕин биллибит.
