Warning: Invalid argument supplied for foreach() in /var/www/u0965142/data/www/vvlibr.ru/wp-content/plugins/book-shelf/includes/main.php on line 185
- Киһи саҕаланар бэйэтин дьиҥ олоҕуттан, саҕаланар дьиэ кэргэниттэн. Олоххор сыалгын-соруккун ситиспэтэх буоллаххына, эн уопсастыбаҕа да, дьиэ кэргэҥҥэр да туһаны оҥорботуҥ. Онон эн санааҥ быһаҕас. Оттон киһи санаатынан дуоһуйа сылдьыахтаах.
- Истиҥ тапталынан, аналынан үөскээбит oҕo дьоллоох буолар. Ийэлээх aҕa хардарыта сыһыаннарыттан, олох олороллоруттан, оннооҕор ханнык тэрилтэҕэ үлэлииллэриттэн oҕo туруга, уйулҕата иитиллэн, баайыллан түһэр.(Эдьиий Дора)
- Оҕо син үүнээйи кэриэтэ эбээт. Киһи кэрэхсии көрөр буола силигилии чэчирээһинэ, эбэтэр буортутуйан, тоһута хатан сир бөҕө буолуута бүөбэйдээччититтэн тутулуктаах. Ол тэҥэ оҕо туох-ханнык иитиини ылара төрөппүтүттэн. (Анна Вармамова-Айысхаана)
- Ийэни, аҕаны бүөбэйдиир,
Көрөр-истэр, харайар —
Oҕo ытык иэһэ эрэ буолбатах,
Оҕо — дьоло!.. (Семен Маисов)
• Ыалыҥ дьоро киэһэтигэр
Ыһыырынньык буолуохтааҕар,
Алдьархайдаах күннэригэр
Аал уот буола саатаар.
(Н. Герасимов — Айталын)
«Алгыстар»
- Бигэ туруктаах, чэбдик олохтоох, айыы сиэрдээх дьиэ кэргэн – омук кэскилэ.
- Дьиэ кэргэн – общество туллаҥнаабат тулааһына.
- Дьиэ-кэргэн уйгута – норуот барҕарыыта.
- Дьиэ кэргэн – олохпут кэскилэ.
- Омук көмүскэлэ, эрэлэ –дьиэ кэргэн.
- Ыал – төрүт тэрилтэ.
- Ыал – олохпут төрдө.
- Үс саханы үөскэтиҥ, төрүт саханы төрүттээҥ.
- Дьиэ кэргэн – норуот кэскилэ.
- Дьиэ кэргэн – оҕо туруктаах уйулҕатын биһигэ.
- Ыал – омук төрдө, төрүт силиһэ.
- Дьиэ кэргэн тыына оҕоҕо бэриллэр.
- Омукпутун тыынныыр, кэскилбитин түстүүр – дьиэ кэргэн.
- Олох төрдө – дьиэ кэргэн.
- Дьахтар, ийэ – ыал тэбэр сүрэҕэ.
- https://www.calameo.com/read/0017666319ebd75f379e4
