“Бүттүүн ааҕыы күнэ”өрөспүүбүлүкэтээҕи аахсыйа.

This error message is only visible to WordPress admins

Error: No connected account.

Please go to the YouTube Feed settings page to connect an account.

Үөһээ Бүлүү улууһун, Маҥаас модельнай библиотеката, орто оскуола үөрэнээччлэрэ, Саха норуодунай суруйааччыта Владимир Михайлович Новиков – Күннүк Уурастыырап төрөөбүтэ 115 сылынан “Бүттүүн ааҕыы күнэ” өрөспүүбүлүкэтээҕи аахсыйаҕа кыттыһар. Хоһоон аата “Эйэ ырыата”.

Саха Республикатын народнай поэта Владимир Михайлович Новиков-Күннүк Уурастыырап 1907 с. ыам ыйын 9 күнүгэр Амма улууһугар төрөөбүтэ. Аатырбыт олоҥхоһут Чээбий (Т.В.За­харов) сабыдыалынан саха тылынан уус-уран айымньытын эйгэтигэр үөскээбитэ. Ол кэлин кини “Тойон Дьаҕарыма” олоҥхону суруйарыгар тирэх буолбута. Бастакы xohooно “Соҕотох хахыйах” В.Агзи-и-и диэн илии батгааһыннаах “Чолбон” сурунаалга 1927 с. бэчээттэммитэ. Бастакы кинигэтэ “Уһуктубут кыраайга” 1932 с. тахсыбыта. Ол кинигэҕэ киирбит хоһооннор норуот ырыалара буолбуттара. Кини сахалыы, нууччалыы 30-тан тахса кинигэни бэчээттэппитэ. Поэмаларыттан “Коммунист Сэмэн” (1936 с), “Ымыы уонна Налбыһах” (1961 с.) ордук биһирэнэллэр. “Үчүгэй Үөдүйээн”, “Эйэ иһин”, “Албан Килбиэн” пьесалардаах. “Былыргы дьыллар быыстарыгар” сэһэннээх. Итини тэҥэ оҕолорго аналлаах хоһоон кинигэлэрдээх. А.Пушкин, Т.Шевченко, о.д.а. айымньыларын талааннаахтык тылбаастаабыта. Үлэ Кыһыл Знамята, Норуоттар доҕордоһуулара, “Бочуот Знага” уордьаннарынан, мэтээллэринэн наҕараадаламмыта.

1938 с. ССРС суруйааччыларын союһун чилиэнэ.

1990 с. муус устар 30 күнүгэр өлбүтэ. Дьокуускайга көмүллүбүтэ.

Вход

Введите логин и пароль, указанные при регистрации