Киһи олоҕо кылгаһа олуһун
Ол эрээри олохпун салгыахтара оҕолорум,
Оҕолорум оҕолоро… (Саргылаана Гольдерова)
Атырдьах ыйын 5 күнүгэр, биһиги нэһилиэккэ «Күн тэҥэ күндү киһибит, ахтар — саныыр амарах аҕабыт» диэн кинигэ сүрэхтэниитэ Маҥаас нэһилиэгин модельнай библиотекатыгар буолла. Санаа хоту, библиотека иһинэн, таһынан бэрт элбэх киһи муһунна. Нэһилиэк дьоно ытыктыыллара, убаастыыллара оччо буоллаҕа… Кинигэни филологическай наука кандидата, Саха Өрөспүүбүлүкэтин үөрэҕириитин туйгуна, Максим Кирович Аммосов аатынан Хотугулуу — Илиҥҥи федеральнай унверситет доцена, биир дойдулаахпыт Григорьева Людмила Павловна уонна оҕолоро тапталлаах аҕаларыгар, кэргэнигэр анаан таһаарбыт кинигэтэтин, дойдутун дьонугар, аймахтарыгар бэлэх ууннулар, сүрэхтээтилэр. Бу кинигэ Үөһээ Бүлүү улууһун Маҥаас нэһилиэгиттэн төрүттээх Данил Сергеевич Григорьев олоҕун сэһэнин тапталлаах кэргэнин, оҕолорун, доҕотторун, аймахтарын ахтыыларыгар арыллар. Суруйуу уратыта диэн ахтыыларынан буолбакка, сэһэнинэн киирбитэ ордук киһини интэриэһиргэтэр. Хаартыскалар кини дьоһун, дьоллоох олоҕу олорон ааспытын кэрэһэлииллэр… Кинигэни тутан олорон, аймах — билэ дьоно, үөрэппит учууталлара элбэҕи ахтан аастылар, санаа үллэһиннилэр.
Ону таһынан Людмила Павловна олохтоох библиотекаҕа, бэйэтэ таһаарсыбыт үлэлэспит кинигэлэрин бэлэх уунна.
